डाएट एक्सपर्ट डॉ. रंजना सिंग सुचवतात की, प्रथिनांचा आहारात जास्तीत जास्त समावेश करा, जसे की कोंब असलेले कडधान्य , उकडलेले अंडे, हरभरा, सोयाबीन, सकाळी दूध घ्या. यामुळे भूक कमी होईल आणि शरीर दिवसभर एनर्जीने भरलेले राहील.
1. नाश्त्यात अंडी खाणे :- डाएट एक्सपर्ट डॉ. रंजना सिंह सांगतात की, रोज नाश्त्यात अंड्याचे सेवन केल्याने शरीरात अनेक आजार दूर ठेवण्याची शक्ती टिकून राहते, कारण अंड्यांमध्ये भरपूर प्रथिने आणि पोषक घटक असतात. अंड्यांमध्ये व्हिटॅमिन डी असते, जे हाडांसाठी फायदेशीर असते. दररोज एक अंडे खाल्ल्याने तुम्ही तुमचा दिवसभराचा व्हिटॅमिन डीचा डोस पूर्ण करू शकता.
2. नाश्त्यात भिजवलेले बदाम खा :- तुम्ही नाश्त्यात बदामाचा समावेश करू शकता. हे अनेक पौष्टिक गुणधर्मांनी समृद्ध आहे. भिजवलेले बदाम सकाळी रिकाम्या पोटी खाल्ल्याने अनेक आरोग्यदायी फायदे होतात. बदामामध्ये आवश्यक जीवनसत्त्वे, मॅंगनीज, प्रथिने, फायबर आणि ओमेगा 3 फॅटी ऍसिड असतात, जे निरोगी शरीरासाठी खूप महत्वाचे आहेत. त्यामुळे तुमच्या रोजच्या नाश्त्याच्या आहारात मूठभर बदामांचा समावेश करावा.
3. नाश्त्यात शेंगदाणे खाणे :- नाश्त्यामध्ये शेंगदाणे खाणे फायदेशीर आहे. यासाठी रात्री झोपण्यापूर्वी शेंगदाणे पाण्यात भिजवून सकाळी सेवन करा. आरोग्य तज्ज्ञांच्या मते, पोटॅशियम, तांबे, कॅल्शियम, लोह आणि सेलेनियम यांसारख्या गुणधर्मांनी समृद्ध शेंगदाणे भिजवल्याने त्यांचे पौष्टिक मूल्य आणखी वाढते. सकाळी रिकाम्या पोटी खाल्ल्याने गॅस आणि अॅसिडिटीची समस्या दूर होते.
4. नाश्त्यात एक वाटी दही खाणे :- आहार तज्ज्ञ डॉ. रंजना सिंग सांगतात की, प्रत्येकाने नाश्त्यात एक वाटी दह्याचा अवश्य समावेश करावा. दही हे आपल्या आतड्यांच्या आरोग्यासाठी खूप फायदेशीर मानले जाते. नाश्त्यात दही खाण्याचे अनेक फायदे आहेत. दह्यात प्रोबायोटिक्स असतात, जे तुमचे पोट स्वच्छ ठेवतात आणि तुमची पचनशक्तीही चांगली राहते.
